Nokkur atriði um hreinlæti posa til að minnka líkur á smiti manna á milli og um leið auka ánægju viðskiptavina og starfsfólks við notkun þeirra:
AÐVARANIR / ATH:
-
ALDREI ÚÐA Á EÐA HELLA VÖKVA BEINT Á TÆKIÐ.
-
Aldrei skal nota klór, lakkleysi, málningaleysi eða önnur sterk hreinsiefni sem innihalda sem dæmi vetnisperoxíð eða ketón þar sem þau geta skemmt plast og gúmmí.
-
Ekki skal nudda fast eða hrista tæki þar sem þau geta farið í „Tamper“ ham. Í slíkum tilfellum þarf að skipta posa út, hafið í huga að ekki er hægt að gera ráð fyrir tafarlausum útskiptum hvar sem er á landinu.
-
Stöðurafmagn: Ekki skal nota þurra tusku til að þurrka af tæki þar sem það gæti orsakað stöðurafmagni og tæki gæti farið í „Tamper“ ham.
Þrif og sótthreinsun:
-
Við mælum með að slökkt sé á tækinu sé þess unnt.
-
Við mælum með að tæki sé ekki tengt við rafmagn sé þess unnt.
-
Þrífið tækið samkvæmt leiðbeiningum hér að neðan.
-
Þegar tæki er alveg orðið þurrt má tengja það aftur við rafmagn og/eða kveikja á því.
Verifone tæki skal hreinsa á mildan hátt með hreinum og rökum klút til að fjarlægja óhreinindi, við mælum með microfiber klútum þar sem þær eru slitsterkar. Það er í lagi að nota 1-2 dropa af mildri sápu með. Vinsamlega ekki nota sterk efni.
Eftir hreinsun má sótthreinsa tæki með rökum sótthreinsiklút eða setja 70-90% sótthreinsiefni í hreina tusku og strjúka af tæki, ekki þarf að nudda fast. Það er í lagi að hreinsa skjái á sama hátt, passið að ýta ekki fast á skjáinn.
Hjálplegar upplýsingar til að vernda vinnustaðinn frá smiti er að finna á þessari slóð:
https://www.covid.is/undirflokkar/vinnustadir